Publicacións

O IES Camilo José Cela clasifícase para a final do club de debate Alingua

Imaxe
 O equipo formado polos representantes do IES Camilo José Cela clasificouse este martes, 27 de febreiro, para a final do Club de Debate Alingua, que organizan os SNL de distintos concellos. O equipo composto por alumnos e alumnas de 1º de Bacharelato e 4º de ESO do noso centro quedou en segunda posición no encontro realizado en Santa Comba.   A final terá lugar o vindeiro mes de abril en Val do Dubra. Sorte!!!

Día de Rosalía no IES Camilo José Cela

Imaxe
Este venres 23 de febreiro celebramos o Día de Rosalía no noso IES. Realizamos diferentes actividades para visibilizar a nosa escritora e para fomentar o uso do galego. Nos días precedentes levamos a cabo a campaña Búscanse galegofalantes , xunto co CEIP López Ferreiro de Santiago de Compostela. Instalamos no vestíbulo do centro un posto onde, desde un cartel moi expresivo, a propia Rosalía de Castro animaba o alumnado a que asinase un compromiso co emprego de idioma, para fomentalo e non abandonar o seu uso. A afluencia para asinar superou todas as previsións! Achegamos fotos das sinaturas en ambos os centros. Por outra parte, ao longo da mañá do venres, un grupo de alumnos e alumnas foron polas aulas recitando poemas de Rosalía de Castro ou sobre Rosalía . Este grupo estaba formado por Saraima, Xan, Daniel, Brais... con Íker e Sandra caracterizados como Curros Enríquez e a propia Rosalía de Castro !

Visita de María de la Fuente

Imaxe
Este xoves, día 8 de febreiro, conmemoramos dun xeito moi especial o Día da Muller e da Nena na Ciencia . Visitounos a científica María de la Fuente , unha das principais investigadoras en nanooncoloxía e nanotecnoloxía da actualidade. María foi convidada polo EDLG e falou de ciencia, de investigación en Galicia e en galego, do cancro, dos atrancos das mulleres fronte aos homes para consolidar a súa carreira investigadora... De todos estes temas nos achegou a súa visión autorizada e, mesmo, nos contou como sufriu na súa propia carreira a marxinación pola súa condición de muller.    En definitiva, un encontro para lembrar e que superou todas as expectativas no alumnado de 4º de ESO de de 1º de BAC que asistiu. E unha mensaxe clara: pódese e débese facer ciencia en galego e desde Galicia e as mulleres do noso país teñen moitas achegas e descubrimentos cos que contribuír á sociedade.  

Videoconferencia de Elena Blanco

Imaxe
O alumnado de 1º de Bacharelato desfrutou dunha conferencia da científica galega residente no Reino Unido, Elena Blanco . Por segunda vez, Elena reuniuse virtualmente co noso alumnado para falar de ciencia, investigación e do papel da muller neste eido.

A farsa das zocas

Imaxe
 Para despedir o curso, o grupo de teatro do EDLG realizou a representación da obra teatral A farsa das zocas , de Ricardo Carvalho Calero , representada no Auditorio de Padrón. Parabéns a todo o alumnado e profesorado colaborador, que estiveron todo o curso esforzándose para que a representación fose un éxito!

Leliadoura 2023

Imaxe
 Como todos os anos, rematamos o curso coa publicación da nosa revista. Leliadoura volve estar connosco para contar toda a actividade do curso!
Imaxe
 Este ano, para festexar as Letras Galegas, contamos de novo coa visita de Pinto de Herbón e Caruncho, que desenvolveron un Obradoiro de Regueifa co alumnado de 2º de ESO. Terra de Iria, terra regueifeira!